Шимт газар ширмэн таваг болоод
Шижир наран цахилгаан зуух болоод
Агаар тэнгэр шатам халуунд үүрэглэж
Амьтай бүхэн боорцог шиг буцална
Хонь мал сүүдэр бараадан буцална
Хүн зон хөлсөө алгадан буцална
Хорхой шавьж үймэнхэн буцална
Хад чулуу улайсанхан буцална
Наадамчин олон
Налгар дэнждээ холхилдон буцална
Нарийн тоос тэдний хөлөөр босож
Намжаа дэлхий тоосронхон буцална
Хүлэг морьд хүзүү сунган буцална
Хүчтэн эрс мэхээ уралдуулан буцална
Хуушуур хайрсан авгай хайлж буцална
Хөх тэнгэрийн дор бүгдээрээ цэнгэлдэн буцална
Морь унасан багачууд тоосонд дарагдаж буцална
Мотоцикл хөлөглөсөн залуус сүлжилдэн буцална
Үйтэн хуартай хөгшид хөлсөө арчин буцална
Үй олон цөмөөрөө хөлхөлдөн буцална
Залхуу зарим нь унтан буцална
Завхуул нэг нь айл хэсэж буцална
Байгаль халуун дундаа дуниарч
Барометрын заалт 36-г зааж байна
2004 оны зун
Комментариев нет:
Отправить комментарий
g.davaadorj_86@yahoo.com